வியட்நாமில் பிரமாண்ட ஓட்டல் திறப்பு; தட்டு முதல் டாய்லெட் ரூம் வரை எல்லாமே தங்கம்: ஊரடங்கு முடிவால் வாடிக்கையாளர் உற்சாகம்

ஹனோய்: ஊரடங்கு முடிந்த நிலையில், வியட்நாமில் பிரமாண்ட ஓட்டல் திறக்கப்பட்டது. சாப்பிடும் தட்டு முதல் டாய்லெட் வரை எல்லாமே தங்க முலாம் பூசப்பட்டுள்ளதால் வாடிக்கையாளர்கள் உற்சாகமடைந்துள்ளனர். கொரோனா ஊரடங்கு தளர்த்தியதையடுத்து வியட்நாம் தலைநகர் ஹனோய் நகரில் ஒரு ஐந்து நட்சத்திர ஓட்டல் புதியதாக திறக்கப்பட்டது. விருந்தினர்களை கவர்வதற்காக தங்கமுலாம் பூசப்பட்ட குளியல் தொட்டிகள், பேசின்கள் மற்றும் கழிப்பறைகள், சுவர்கள் என, எல்லாமே ஒரே தங்கத்தால் ஆன ஓட்டல் போல் காட்சியளிக்கிறது....

Continue Reading

பிகாஸ் எலெக்ட்ரிக் ஸ்கூட்டர் மாடல்கள் இந்தியாவில் அறிமுகம்

ஆர்ஆர் குளோபல் நிறுவனத்தின் பிகாஸ் பிராண்டு இந்தியாவில் பி8 மற்றும் ஏ2 என அழைக்கப்படும் இரண்டு புதிய ஸ்கூட்டர் மாடல்களை அறிமுகம் செய்துள்ளது. இதில், பி8 மாடலில் 1900 வாட், ஹப்-மவுண்ட் செய்யப்பட்ட மோட்டார் மற்றும் 1.45 கிலோவாட் பேட்டரி வழங்கப்பட்டு இருக்கிறது. மேலும், லீட் ஆசிட் பேட்டரி அல்லது கழற்றக்கூடிய லித்தியம் அயன் பேட்டரிகளை பயன்படுத்த முடியும். இந்த பி8 மாடல் லீட்-ஆசிட் மாடல், லித்தியம் அயன் மாடல் மற்றும் எல்1 தொழில்நுட்பம் கொண்ட மாடல் என மூன்று வேரியண்ட்களில் கிடைக்கிறது. மூன்று வேரியண்ட்களும் மணிக்கு 50 கிலோமீட்டர் வேகத்தில் செல்லும் திறன் கொண்டிருக்கிறது. இதன் டாப் மாடலில் நேவிகேஷன் அசிஸ்ட், ரைட் மெட்ரிக்ஸ், ஜியோ ஃபென்சிங் மற்றும் பல்வேறு அம்சங்கள் வழங்கப்பட்டுள்ளன. பிகாஸ் ஏ2 மாடலில் 250 வாட் மோட்டார் வழங்கப்பட்டுள்ளது. இந்த மாடலிலும் லீட் ஆசிட் பேட்டரி அல்லது கழற்றக்கூடிய 1.29 கிலோவாட் லித்தியம் அயன் பேட்டரி வழங்கப்பட்டு இருக்கிறது. பிகாஸ் பி8 மற்றும் ஏ2 ஸ்கூட்டர்கள் மூன்று வித ரைடிங் மோட்களை கொண்டிருக்கின்றன. இவை புளூ, வைட் மற்றும் கிரே என மூன்று நிறங்களில் கிடைக்கிறது. இவை, ரூ.50 ஆயிரம் மற்றும் ரூ. 1.4 லட்சம் விலையில் அறிமுகம் செய்து இருக்கிறது.

Continue Reading

எல்.ஜி நிறுவனத்தின் உலகின் முதல் ரோலபிள் ஸ்மார்ட்போன் அறிமுகம்

எல்ஜி நிறுவனம் உலகின் முதல் ரோலபிள் ஸ்மார்ட்போன் மாடலை அறிமுகம் செய்ய திட்டமிட்டுள்ளதாக தகவல் வெளியாகி உள்ளது. இந்த ஸ்மார்ட்போன் சாம்சங் மற்றும் ஆப்பிள் நிறுவனங்களுடனான போட்டியை எதிர்கொள்ள முயற்சியாக வெளியாகியுள்ளது. பிராஜக்ட் பி பெயரில் அறிமுகம் செய்யப்பட இருக்கிறது.

எல்ஜி நிறுவனம் கடந்த ஆண்டு விண்ணப்பித்த காப்புரிமை அடிப்படையில் பிராஜக்ட் பி ஸ்மார்ட்போன் உருவாகி வருகிறது. இந்த ஸ்மார்ட்போன் பக்கவாட்டில் நீளும் வகையிலும், தேவையற்ற போது மடித்து வைக்கும் வகையில் உருவாக்கப்பட்டு இருக்கிறது. இதற்கான ப்ரோடோடைப் மாடலை எல்ஜி உருவாக்கி வருவதாக தகவல் வெளியாகி உள்ளது.

புதிய ஸ்மார்ட்போன் எல்ஜி நிறுவனத்தின் இரண்டாவது ரோபிள் சாதனம் ஆகும். முன்னதாக எல்ஜி சிக்னேச்சர் ஒஎல்இடி டிவி ஆர் மாடலை 2019 சர்வதேச நுகர்வோர் மின்சாதன விழாவில் காட்சிப்படுத்தியது. பிராஜக்ட் பி திட்டத்தில் வளையும் தன்மை கொண்ட ஒஎல்இடி பேனலை எல்ஜி உருவாக்கவில்லை. இதனை சீன டிஸ்ப்ளே உற்பத்தி செய்யும் பிஒஇ நிறுவனம் உற்பத்தி செய்கிறது.

Continue Reading

டார்க் மோட் வசதி அறிமுகம் செய்த வாட்ஸ்அப்

வாட்ஸ்அப் வெப் சேவையில் புதிதாக டார்க் மோட் வசதி வழங்கப்பட்டு இருக்கிறது. முன்னதாக இந்த அம்சம் பீட்டா பதிப்பில் மட்டும் வழங்கப்பட்டு இருந்தது. இந்த அம்சத்தை பெற ஸ்மார்ட்போனில் வாட்ஸ்அப் செயலியை திறந்து வாட்ஸ்அப் வெப் ஆப்ஷனை க்ளிக் செய்ய வேண்டும். இனி கணினியில் வாட்ஸ்அப் வெப் வலைதளம் திறந்து அதிலுள்ள கியூ ஆர் கோடினை ஸ்மார்ட்போன் கொண்டு ஸ்கேன் செய்ய வேண்டும்.

கணினியில் வாட்ஸ்அப் வெப் தளம் திறந்ததும், செட்டிங்ஸ் பேனலில் தீம் ஆப்ஷனை க்ளிக் செய்ய வேண்டும். இவ்வாறு செய்ததும், தீம் ஆப்ஷனில் டார் பட்டனை க்ளிக் செய்து டார்க் மோட் தீமை செயல்படுத்தி கொள்ளலாம்.

வாட்ஸ்அப் வெப் பதிப்பில் டார்க் மோட் வசதி தவிர, வாட்ஸ்அப் செயலியில் அனிமேட்டெட் ஸ்டிக்கர்கள், கியூ ஆர் கோட் மூலம் காண்டாக்ட்களை சேர்க்கும் வசதி, வீடியோ கால்களில் அதிகபட்சம் 8 பேருடன் உரையாடும் வசதி உள்ளிட்ட அம்சங்கள் வழங்கப்பட்டு இருக்கின்றன. வாட்ஸ்அப் செயிலியின் புதிய அம்சங்களில் வரும் வாரங்களில் பயனர்களுக்கு வழங்கப்படும் என வாட்ஸ்அப் அதிகாரப்பூர்வ வலைதள பக்கத்தில் தெரிவிக்கப்பட்டு இருக்கிறது.

Continue Reading

ஜூம் செயலிக்கு பதிலாக ரிலையன்ஸ் நிறுவனத்தின் 'ஜியோ மீட்' அறிமுகம்

தினமலர்:  புதுடில்லி: ஜூம் செயலிக்கு பதிலாக ரிலையன்ஸ் நிறுவனத்தின் 'ஜியோ மீட்' அறிமுகப்படுத்தப்பட்டுள்ளது.வாடிக்கையாளர்களின் தகவல் திருட்டு போன்ற பாதுகாப்பின்மை காரணமாக ஜூம் செயலியை பயன்படுத்த வேண்டாம் என்று மத்திய அரசு கேட்டுக் கொண்டது. இந்நிலையில் ஜூம் செயலிக்கு பதிலாக 'ஜியோமீட்' என்ற செயலியை ரிலையன்ஸ் நிறுவனம் அறிமுகம் செய்துள்ளது. கூகுள் மீட், மைக்ரோசாஃப்ட் டீம்ஸ் உள்ளிட்ட சேவைகளைப் போலவே ஜியோ மீட் செயலி மூலமாக எச்டி தரத்திலான வீடியோ அழைப்புகளை ஏற்க முடியும். அதேநேரம் ஜூம் செயலி போல இதில் 40 நிமிடம் மட்டும் தான் என்ற நேர வரம்பு இல்லை. 24 மணிநேரமும் நாம் வீடியோ அழைப்புகளை நீட்டிக்கலாம்.ஜியோமீட் மூலம் மேற்கொள்ளப்படும் அனைதது டிஜிட்டல் சந்திப்புகளுக்கும் பாஸ்வேர்டு மற்றும் என்கிரிப்சன் மூலம் பாதுகாப்பு உறுதி செய்யப்படும் என அதன் இணையதளத்தில் தெரிவிக்கப்பட்டுள்ளது.ஜியோ மீட்டை, கூகுள் பிளே ஸ்டோர் மூலம் பதிவிறக்கம் செய்து கொள்ளலாம். ஏற்கனவே இது லட்சம் பதிவிறக்கங்களை கடந்து விட்டது. ஜியோ மீட் மூலம் 'மேட் இன் இந்தியா' என்ற ஹேஷ்டேக் நேற்று சமூக வலைதளங்களில் வைரலானது. ஃபேஸ்புக் மற்றும் இன்டெல் நிறுவனங்களில் முதலீட்டைத் தொடர்ந்து ரிலையன்ஸ் நிறுவனம் டிஜிட்டல் சாம்ராஜியத்தையும் விரிவுபடுத்தி உள்ளது.

Continue Reading